Athletic Club Academy: goi mailako errendimendua eta lehiaketa Athletic Club metodologiarekin
Goi mailako errendimenduko eta %100eko metodologiako Athletic Club kirol proiektua da, eta talentuak, berrikuntzak eta prestakuntza osoak bat egiten dute etorkizuneko futbola proiektatzeko.
Zer da Athletic Club Academy?
Athletic Club Academy kirol proiektu bat baino askoz gehiago da. Lezamaren hedapen naturala da, maila goreneko futbol zerbitzu espezializatuak eskaintzeko sortua.
Jokalari gazteek eta profesionalek hazteko, hobetzeko eta bertsiorik onena lortzeko behar dituzten tresnak, instalazioak eta laguntza dituzte bertan. Nortasun propioa, profesionaletako talderik onena eta estilo zuri-gorria: munduan bakarra den klubarena.
Zergatik Athletic Club Academy?
Hiru hitzek indartzen dute Athletic Club Academyren sorrera: goi mailako errendimendua, berrikuntza eta prestakuntza integrala.
GOI MAILAKO ERRENDIMENDUA
Errendimendua ulertzen dugu ez bakarrik jokalari bakoitzaren gaitasunen hobekuntza gisa, bere potentzial maximoa lortu arte, baizik eta jokalari bakoitzaren garapen fisikoa, teknikoa, taktikoa eta mentala bultzatzen duen prozesu integral gisa. Lezamako metodologiaren, ikuspegi indibidualizatuaren eta ingurune zorrotz baina hezitzailearen bidez, gure futbolariak gidatzen ditugu beren potentzial gorena lor dezaten, betiere Athletic Cluben balioekin bat eginez.
BERRIKUNTZA
Prestakuntza-prozesuetan eta goi-errendimenduko prozesuetan berrikuntza funtsezkoa da kirol-bertsiorik onena lortzeko. Baita klubarentzat diru-sarrerak sortzen dituzten eta kirola indartzen duten zerbitzu eta produktu berrietan ere.
PRESTAKUNTZA INTEGRALA
Athletic Club Academyk futbolariaren formakuntza errendimendu hutsetik harago ulertzen du, pertsona eta haren garapen osoa erdigunean jarriz. Helburua jokalari bakoitza bere hazkunde tekniko eta taktikoan laguntzea da, baina baita bere garapen pertsonalean ere, konpromisoa, errespetua, talde-lana eta erantzukizuna balioak sustatuz.
Ikuspegi hau Athletic Cluben nortasunean oinarritzen da, futbolaren panoraman erakunde paregabea baita, bere filosofia jokalekutik harago doana. Bere balioen transmisioa —sustraitasuna, kidetasun-sentimendua, ahalegin kolektiboa eta gauzak egiteko modu propio bati leial izatea—formakuntza-prozesuaren funtsezko osagaia da. Horren bidez, futbolariak ez ezik, jokaleku barruan zein kanpoan konpromiso sendoa duten pertsonak ere eraikitzen laguntzen da.
Zerbitzu bakoitza, esperientzia oso bat
Athletic Clubeko Eskola
Jokoa teknifikatzeko eta hobetzeko programa. Eskolan futbolariek euren jokoaren alde tekniko-taktikoak hobetu ahal izango dituzte, Lezamako baloreetan eta metodologian murgiltzeaz gain.
Athletic Clubeko Eskola Bizkaian
Eskolak Lezamatik kanpo pausoa ematen du eta bere kirol-proiektua Lauaxeta Ikastolan egoitza berri batekin zabalduko du. Espazio berri hau gure metodologia familia gehiagorengana hurbiltzeko ilusioarekin sortu da, betiere Eskolako entrenamenduen funtsa eta kalitatea mantenduz.
Athletic Academy taldeak
Athletic Club Academyko taldeetako futbolariek prestakuntza profesionala jasoko dute, Athletic Clubek bere jokalariak eta harrobiko jokalariak prestatzeko erabiltzen duenaren berbera, denboraldi osoko entrenamendu eta lehiaketa dinamikan.
AC Campus
AC Campus Athletic Cluben campus ofiziala da. Urtero neska-mutil ugari biltzen ditu udako, Aste Santuko eta Gabonetako oporraldietan futbolaz gozatzeko.
AC Cup
AC Cup Athletic Cluben oinarrizko futbol txapelketa da. Urtero hainbat herrialdetako taldeak eta milaka futbolari gazte eta haien familiak biltzen ditu, futbolaren inguruko esperientzia paregabea bizitzeko.
Academyren azken nobedadeen berri izan nahi duzu?
Ohiko galderak
Athletic Club Academy Athletic Clubek bultzatutako kirol eta prestakuntza proiektua da, jokalarien prestakuntza eta garapenerako sortua, Lezaman Klubeko harrobiarekin aplikatzen diren printzipio eta metodologia berberei jarraituz.
Nortasun propioa duen proiektu bat da, %100 Athletic, eta Klubaren futbola ulertzeko modua, entrenamendua eta prestakuntza-prozesua ingurune egituratu, koherente eta erraz identifikagarri batera eramaten ditu. Athletic Club Academyk futbol-prestakuntzan erreferente bihurtzea du helburu, bikaintasunarekiko bokazio argiarekin eta ingurura begirada ireki batekin, betiere Unique In The World klub baten estilo bereizgarritik abiatuta.
Athletic Club Academyk kirol eta prestakuntza talentua detektatu, lagundu eta garatu nahi du, prestakuntza kirol errendimendutik haratago doan prozesu oso gisa ulertuz. Futbola, hezkuntza, balioak eta pertsonak lotzen dituen proiektua, kirol ekosistema oinarri sendo eta identitatedun batetik garatzen laguntzen duena.
Athletic Club Academyk maila goreneko kirol-proiektu bati dagozkion zerbitzu guztiak eskainiko ditu, eta horretarako instalazio egokiak eta hobekien prestatutako profesionalak izango ditu.
- Athletic Club-eko Eskola
- Athletic Club-eko Eskola Bizkaian
- Athletic Academy taldeak
Athletic Club Eskolak kirol esperientzia esklusiboa eskaintzen die futbolari gazteei, Athletic Clubeko lehen taldeekin egunero egiten den lanean oinarritutako formakuntza osorako gunea eskainiz.
Bai, Athletic Club Academy zerbitzuei lotuta, talde federatuak eduki ahal izango ditu lehiatuko den kategorietan dagozkien ligetan Athletic Club Fundazioaren parte den beste klub bat bezala.
Biak Athletic Clubeko futbol eskolak dira, jokalariaren prestakuntza osoan oinarritutako arrakasta profesionaleko metodologia partekatzen dutenak.
Hala ere, bi programa horietako futbolariak ez dira Athletic Clubeko harrobikoak.
Lezamak, hitzartutako klubekin batera, Athletic Cluben harrobia izaten jarraituko du, bihotz zuri-gorria.
Eskolako futbolarien eta Athletic Club Academyko taldeen profilak bezero baten profilari erantzuten dio gehien, eta ahalik eta zerbitzu esperientziarik onena eskaintzen zaio futbol, kirol eta irakaskuntza prestakuntzan.